2020 Kev Suav Pej Xeem | Teb Chaws Mes Kas Koom Haum Suav Pej Xeem
Kev Suav Pej Xeem Yog Dab Tsi?
Txoj Hauv Kev Teb Lus Rau 2020 Kev Suav Pej Xeem
Ib tus neeg ntawm txhua lub tsev nyob yuav tsum ua kom tiav daim ntawv nug kev suav pej xeem saum huab cua, los ntawm xov tooj los sis los ntawm pais sab nis. Suav txhua tus uas nyob rau ntawm qhov chaw nyob—suav nrog rau cov me nyuam yug tshiab, me nyuam yaus, thiab txhua tus phooj ywg los sis tsev neeg uas feem ntau yeej nyob thiab pw hauv yim neej ntawd.
Yog tus neeg uas nws tsis muaj chaw nyob ruaj ntseg rau ntawm nod uas pib thaum hnub Lub Plaub Hlis Tim 1 2020 los, yuav tsum tau suav tus neeg ntawd thiab.
Koj Puas Xav Tau Kev Pab?
Yog koj muaj lus nug txog txoj hauv kev yuav muab lus teb rau 2020Kev Suav Pej Xeem tau li cas, peb muaj kev pab cuam. Saib qhov vis dis aus muab lus coj qhia hauv qab nod txhawm rau ua kom tiav 2020 Kev Suav Pej Xeem saum huab cua los sis siv daim ntawv luam tawm uas muab lus coj qhia los mus sau cov lus nug hauv ntawv kom tiav hlo.
Koj Li Lus Coj Qhia txog 2020 Kev Suav Pej Xeem
Twm cov lus qhia txog ntawm txoj hauv kev sau cov lus nug hauv ntawv kom tiav hlo.
Download PDF
Vim Lis Cas Thiaj Tseem Ceeb
Nyob rau txhua xyoo, saib raws li teev tseg nyob rau hauv cov ntaub ntawv kev suav pej xeem mas muaj ntau txhiab lab nyiaj daus las hauv tsoom fwv teb chaws tau raug siv los mus rau cov tsev kho mob, cov chaw tua hluav taws, tsev kawm ntawv, kev tsheb, thiab lwm cov peev txheej.
Qhov ua tau los ntawm kev suav pej xeem yog siv los txiav txim kev teev cov rooj zaum ntawm txhua lub xeev (state) uas muaj rau Fab Nom Tswv Congress, thiab raug siv los kos cov ciaj ciam ntawm kev xaiv tsa ntawm cov cheeb tsam nroog.
Tsis tas li ntawd, kev suav pej xeem kuj tseem yog ib tes hauj lwm uas yuav tsum tau ua mus raws li Teb Chaws Asmeskas Txoj Cai Li Choj: Zaj Lus 1, Tshooj 2, kee tias Teb Chaws Asmeskas yuav tsum tau ua kev suav nws cov zej tsoom txhua 10 lub xyoo. Kev suav zej tsoom zaum thib ib yog tshwm sim rau xyoo 1790.
Kev Ceev Ntiag Tug Thiab Kev Nyab Xeeb
Raws li feem xyuam, lub Koom Haum Suav Pej Xeem yuav tsum ua raws li txoj cai lij choj txhawm rau tiv thaiv koj cov lus teb thiab khaws cia ceev tsis pub leej twg paub kiag li. Qhov tseeb lawm, cov neeg ua hauj lwm txhua tus cog lus tias yuav tiv thaiv cov ncauj lus ntiag tug ntawm koj mus kom tag lub neej txoj sia.
Nyob rau ntawm Nqe 13 Teb Chaws Asmeskas Tsab Cai, Koom Haum Suav Pej Xeem tsis tuaj yeem tso tawm txhua cov ntaub ntawv hais txog koj tus kheej, koj lub tsev, koj qhov lag luam txawm tias yog cov hauj lwm kev saib xyuas rau fab kev cai li choj los yuav tsis tau. Txoj cai ua kom ntseeg tau tias nom tswv lub chaw lis hauj lwm los sis lub tsev txiav txim plaub ntug tsis tuaj yeem muab koj cov ntaub ntawv ceev ntiag tug uas tau txais kev tiv thaiv thiab koj cov lus teb coj los siv tawm tsam koj.
Tus Neeg Suav Pej Xeem nyob rau hauv Koj Cov Neeg Zej Zog
Qhov no yog ib feem raws li ib txwm ua ntawm 2020 Kev Suav Pej Xeem. Tej zaum koj yuav pom cov neeg tuaj ua hauj lwm suav pej xeem nyob rau cheeb tsam ntawm koj vim yog muaj ob peb yam laj thawj sib txawv:
- Lawv yuav tuaj ntsuam xyuas cov chaw nyob txhawm rau kev suav pej xeem.
- Lawv yuav tuaj saib lub zej zog txhawm rau kev suav pej zeem los sis txhawm rau Koom Haum Suav Pej Xeem ua lwm qhov kev tshawb fawb.
- Lawv yuav tuaj mus nthuav qhia cov ntaub ntawv suav pej xeem.
- Lawv yuav tuaj ntsuam xyuas cov hauj lwm ua cuam tshuam rau kev suav pej xeem.
Nyob rau lub Tsib Hlis xyoo 2020, cov neeg suav pej xeem yuav pib mus ncig saib cov vaj tsev uas tseem tsis tau muab lus teb rau 2020 Kev Suav Pej Xeem txhawm kom ntseeg tau tias txhua leej raug suav lawm.
Koj Yuav Pab Tau Li Cas
Kev Nthuav Qhia Cov Lus
Koj tuaj yeem pab peb tau los ntawm kev nthuav qhia cov xov xwm thiab ntaub ntawv ntawm Koom Haum Suav Pej Xeem rau koj cov phooj ywg, tsev neeg thiab cov neeg raws saib koj hauv Facebook, Twitter thiab Instagram.
Koom Tes Nrog Peb
Ntau pua lub tuam txhab, cov chaw lis hauj lwm tsis vam paj ntsig, cov kws tsim txoj cai, thiab cov neeg thuaj pais tab tom nthuav qhia cov lus hais txog 2020Kev Suav Pej Xeem thiab vim li cas ho tseem ceeb uas yuav tau muaj kev koom tes.
Ua Hauj Lwm Nrog Peb
Peb tab tom nrhiav txais ntau txhiab tus neeg nyob thoob teb chaws txhawm rau 2020 Kev Suav Pej Xeem. Tuaj yeem khwv tau nyiaj ntxiv thiab pab tau koj lub zej zog.
Yes
No
Comments or suggestions?