ຄົນໜຶ່ງຈາກທຸກໆເຮືອນຕ້ອງເຮັດສຳເລັດການສຳຫຼວດພົນລະເມືອງທາງອອນໄລນ໌, ໂດຍທາງໂທລະສັບ ຫຼື ໂດຍທາງໄປສະນີ. ນັບທຸກໆຄົນຜູ້ທີ່ດຳລົງຊີວິດຢູ່ທີ່ຢູ່—ລວມທັງເດັກເກີດໃໝ່, ເດັກນ້ອຍ ແລະ ໝູ່ ຫຼື ສະມາຊິກຄອບຄົວຜູ້ທທີ່ດຳລົງຊີວິດຢູ່ ແລະ ຫຼັບນອນຢູ່ທີ່ນັ້ນເກືອບຕະຫຼອດເວລາ.

ຖ້າມີຄົນທີ່ບໍ່ມີທີ່ຢູ່ຖາວອນພັກຢູ່ທີ່ນີ້ໃນວັນທີ 1 ເມສາ 2020, ໃຫ້ນັບຄົນຜູ້ນັ້ນນຳ.

ທ່ານຕ້ອງການຄວາມຊ່ວຍເຫຼືອບໍ?

ຖ້າທ່ານມີຄຳຖາມກ່ຽວກັບວິທີຕອບການສຳຫຼວດພົນລະ ເມືອງປີ 2020, ມີການຊ່ວຍເຫຼືອໃຫ້ທ່ານ. ນຳໃຊ້ຄຳແນະນຳທີ່ເປັນວິດີໂອຢູ່ລຸ່ມນີ້ເພື່ອເຮັດສຳເລັດການສຳຫຼວດພົນລະເມືອງປີ 2020 ທາງອອນໄລນ໌ ຫຼື ນຳໃຊ້ຄຳແນະນຳສະບັບພິມເພື່ອເຮັດສຳເລັດການຕອບເອກະສານແບບສອບຖາມ. 

ສຳນັກງານສຳຫຼວດພົນລະເມືອງຖືກກຳນົດໂດຍກົດໝາຍ ໃຫ້ປົກປ້ອງຄຳຕອບຂອງທ່ານ ແລະ ເກັບຮັກສາພວກມັນໄວ້ເປັນຄວາມລັບສຸດຍອດ. ຄວາມຈິງແລ້ວ, ພະນັກງານທຸກໆຄົນສາບານທີ່ຈະປົກປ້ອງຂໍ້ມູນສ່ວນບຸກ ຄົນຂອງທ່ານໄປຕະຫຼອດຊີວິດ.

ພາຍໃຕ້ມາດຕາ 13 ຂອງປະມວນກົດໝາຍສະຫະລັດ, ສຳນັກງານສຳຫຼວດພົນລະເມືອງບໍ່ສາມາດເປີດເຜີຍຂໍ້ມູນທີ່ສາມາດລະບຸຕົວຕົນໃດໆກ່ຽວກັບທ່ານ, ເຮືອນຂອງທ່ານ ຫຼື ທຸລະກິດຂອງທານ, ແມ້ແຕ່ໜ່ວຍງານບັງຄົບໃຊ້ກົດໝາຍກໍ່ຕາມ. ກົດໝາຍຮັບປະກັນວ່າຂໍ້ມູນສ່ວນບຸກຄົນຂອງທ່ານໄດ້ຮັບ ການປົກປ້ອງ ແລະ ດັ່ງນັ້ນຄຳຕອບຂອງທ່ານບໍ່ສາມາດຖືກນຳໄປໃຊ້ເພື່ອມາ ຕ້ານກັບທ່ານໂດຍໜ່ວຍງານລັດຖະບານ ຫຼື ສານໃດໜຶ່ງ.