ஒவ்வொரு வீட்டிலிருந்தும் ஒரு நபர் மக்கள் தொகை கணக்கெடுப்பை, தொலைப்பேசி அல்லது மெயில் மூலமாக ஆன்லைனில் நிறைவு செய்ய வேண்டும். பிறந்த குழந்தைகள், இளம் குழந்தைகள், மற்றும் நண்பர்கள் அல்லது நீண்ட காலம் வாழ்ந்து வருகின்ற மற்றும் வசிக்கின்ற குடும்ப உறுப்பினர்கள்உட்பட அந்த முகவரியில் வசித்துவரும் ஒவ்வொருவரையும் கணக்கிடவேண்டும்.

வாழ்வதற்கென நிரந்தர இடத்தை பெற்றிராதவர் எவரேனும் 2020, ஏப்ரல் 1 அன்று இங்கு தங்கியிருந்தால், அந்த நபரையும் கணக்கில் எடுத்துக்கொள்ளவேண்டும்.

உங்களுக்கு உதவி தேவைப்படுகிறதா?

2020 மக்கள் தொகை கணக்கெடுப்பிற்கு எவ்வாறு பதிலளிப்பது என்பது குறித்த கேள்விகள் ஏதேனும் உங்களுக்கு இருந்தால், அதற்கான உதவி கிடைக்கப் பெறுகிறது. 2020 மக்கள் தொகைக் கணக்கெடுப்பை நிறைவு செய்யக் கீழுள்ள காணொளி வழிகாட்டியைப் பயன்படுத்தவும் அல்லது கேள்வித்தாளை நிறைவு செய்ய அச்சிடப்பட்ட காகித வழிகாட்டியைப் பயன்படுத்தவும்.

நீங்கள் அளிக்கும் தகவல்களைப் பாதுகாக்கவும், கண்டிப்பாக இரகசியமாக வைத்திருக்கவும் மக்கள் தொகைக் கணக்கெடுப்புப் பணியகமானது சட்டத்திற்கு உட்பட்டுச் செயல்படுகிறது. உங்களுடைய தனிப்பட்ட தகவல்களை ஒவ்வொரு பணியாளரும் உண்மையில், தங்களுடைய வாழ்நாள் முழுவதும் பாதுகாப்பதாக சத்தியம் செய்திருக்கிறார்கள்.

யு.எஸ். கோட் தலைப்பு 13-இன் கீழ், மக்கள்தொகை கணக்கெடுப்புப் பணியகமானது உங்களைப் பற்றியும், உங்களுடைய வீடு அல்லது வணிகம் குறித்த, அடையாளம் காணக்கூடிய எந்த விதமான தகவலையும் சட்ட அமலாக்க முகமைகளுக்குக் கூட வெளியிட முடியாது. உங்களுடைய தனிப்பட்ட தரவுகள் பாதுகாக்கப்படுவதையும், நீங்கள் அளித்த பதில்களை எந்தவொரு அரசாங்க நிறுவனமோ அல்லது நீதிமன்றமோ உங்களுக்கு எதிராகப் பயன்படுத்த முடியாது என்பதையும் சட்டம் உறுதி செய்கிறது.