2020 ቆፀራ ህዝቢ | ዩናይትድ ስቴትስ ቆጸራ ህዝቢ ቢሮ

#008556

ቆፀራ ህዝቢ እንታይ ኢዩ፧

ኣብ 2020 ቆፀራ ህዝቢ፡ ነፍሲ ወከፍ ኣብ ዩናይትድ ስቴትስ ዝነብር ባጽሕ፡ ህጻን፡ ከምኡ’ውን ቆልዓ ይቚጸር። ከምዚ ዓይነት ቆፀራ ኣብ ነፍስ ወከፍ ዓሰርተ ዓመት ዩናይትድ ስቴትስ ቆፀራ ህዝቢ ቢሮ ብዝብሃል መንግስታዊ ኤጀንሲ ይካየድ።

An overhead look at a suburban community.

#9B2743

ነቲ ናይ 2020 ቆፀራ ህዝቢ መጠይቓዊ ወረቐት ከመይ ገይርና መልሲ ንህብ

ካብ ነፍሲ-ወከፍ መንበሪ ገዛ ሓደ ሰብ ነቲ መጠይቕ ናይ ቆፀራ ህዝቢ ብኦንላይን፡ ብቴለፎን ወይ ድማ ብቡስጣ ይመልኦ። ኣብቲ ገዛ ዝነብሩ ሰባት ብምሉኦም ይቑጸሩ -- ሓደስቲ ውልዶታት፡ ቈልዑ፡ ከምኡ’ውን ኣብኡ ዝነብሩን መብዛሕትኡ ግዜ ኣብኡ ዝሓድሩን መሓዙት ወይ ናይ ቤተሰብ ኣባላት።

ቀዋሚ መንበሪ ቦታ ዘይብሉ ሰብ ኣብ ሚያዝያ 1, 2020 ኣብቲ ገዛ ንሱ ኣብቲ ቦታ እንተሃልዩ ቁጸር።

ሓገዝ የድልየኩም ድዩ፧

ንኣመላልኣ መጠይቕ 2020 ቆፀራ ህዝቢ ብዝምልከት ሕቶታት ኣለኩም እንተ ድኣ ኮይኑ፡ ሓገዝ ኣሎ። መጠይቕ 2020 ቆፀራ ህዝቢ ኦንላይን ክትመልኡዎ እንተ ድኣ ደሊኹም ነዚ ኣብ ታሕቲ ዘሎ ቪድዮ ከም ሓገዝ ተጠቐሙ፡ ኣብ መጠይቓዊ ወረቐት እንተ ድኣ ኴንኩም ትመልኡ ሕታም መምርሒ ተጠቐሙ።

ን2020 ቆፀራ ህዝቢ ዝምልከት መምርሒኹም

እቲ መጠይቓዊ ወረቐት መጠይቕ ብኸመይ ከምዝምላእ መምርሒ ኣንብቡ።

Download PDF

ትግርኛ

#007E8F

ኣገዳስነት ቆፀራ ህዝቢ

ቆፀራ ህዝቢ፡ ኣብ ብዙሓት ዝተፈላለዩ መዳያት ናይ ሂውትኩም ጽልዋ ክህሉዎ ዝኽእል ኣዝዩ ኣገዳሲ ዳታ ንምእካብ የኽእል። ነደፍቲ ሕጊ፡ ወነንቲ ትካላት ንግዲ፡ መምህራን፡ ከምኡ’ውን ብዙሓት ካልኦት ነዚ ሓበሬታ’ዚ ንከባቢኹም ኣገልግሎታት፡ ፍርያታትን ሓገዝን ንምቕራብ መዓልታዊ ይጥቀሙሉ።

Component ID: #ti1362348635

ነፍሲ-ወከፍ ዓመት ኣብ ሓበሬታ ናይ ቆፀራ ህዝቢ ምርኩስ ብምግባር ቢልዮናት ዶላራት ፌደራል ፈንድ ንሆስፒታላት፡ ክፍልታት መጥፋእቲ ሓዊ፡ ኣብያተ ትምህርቲ፡ ጽርግያታትን ካልኦትን ይውዕል።

Component ID: #ti1314352349

ውጽኢታት ናይ ቆፀራ ህዝቢ ነፍሲ-ወከፍ ግዝኣት (state) ኣብ ቤት ምኽሪ ክንደይ ወናብር ከምዝህልዋ ይውስኑ፥ ከምኡ’ውን ዶባት ናይ ድምፂ ዝህባ ዲስትሪክትታት ንምሕንጻጽ ይጠቕሙ።

Component ID: #ti1315160514

ቆፀራ ህዝቢ ምክያድ ናይ ዩናይትድ ስቴትስ ሕገ መንግስቲ’ውን ይጠልቦ ኢዩ፦ ዓንቀጽ 1፡ ክፍሊ 2፡ ሕቡራት መንግስታት ኣሜሪካ ኣብ ነፍሲ-ወከፍ ዓሰርተ ዓመታት ሓንሳብ ቈጸራ ህዝባ ከተካይድ ይእዝዝ። ናይ መጀመርታ ቆፀራ ህዝቢ ዝተኻየደሉ ኣብ 1790 ኢዩ ነይሩ።

#205493

ግላዊነትን ደሕንነትን

እትህቡዎ ሓበሬታ ስታትስቲክስ ንምውጻእ ጥራሕ ኢዩ ከገልግል።

Woman smiling and using her phone while holding her baby.

ናይ ቆፀራ ህዝቢ ቢሮ፡ ንእትህቡዎ መልሲታት ክሕልዎምን ኣጥቢቑ ብምስጢር ክሕዞምን ብሕጊ ይግደድ ኢዩ። ብርግጽ እኳ ድኣ፡ ነፍሲ-ወከፍ ሰራሕተኛ ንግላዊ ሓበሬታኹም ብሂወት ክሳብ ዘሎ ክሕልዎም ቃል-ማሕላ ይፍጽም ኢዩ።

ብመሰረት ኣርእስቲ 13 ሕጊ ናይ ሕቡራት መንግስታት ኣሜሪካ፡ ናይ ቆፀራ ህዝቢ ቢሮ፡ ንዓኹም ንመንበሪኹም፡ ወይ ንግዳዊ ዋኒንኩም ዝምልከት ተለሊኹም ከፍልጠኩም ዝኽእል ሓበሬታ ንኻልእ ክህብ ኣይክእልን ኢዩ። ዋላ’ውን ንትካላት ምቊጽጻር ትግባረ ሕጊ። እቲ ሕጊ፡ እትህቡዎ ሓበሬታ ሕሉው ክኸውን፡ ከምኡ’ውን ዝኾነ ይኹን ናይ መንግስቲ ኤጀንሲ ወይ ቤት ፍርዲ ኣንጻርኩም ከይጥቀመሉ ውሕስነት ይህብ።

#008556